Gaur egun, Lanbide Heziketa da lan-merkatuarekin loturarik zuzenena duen irakaskuntza eta, prestakuntza-eskaintza zabala duenez, aukera oso erakargarri bihurtu da, laneratze-tasa handiarekin.
Lanbide Heziketaren helburua ikasleak lan-merkatuan jarduera profesional bat egiteko prestatzea da, beren lan-bizitzan zehar gerta daitezkeen aldaketetara erraz egokitzeko aukera emango dien prestakuntza moldakor eta askotarikoa eskainiz.
Lanbide Heziketak hainbat arlotara egokitutako eduki teoriko eta praktikoak dituzten titulazioak eskaintzen ditu, lanbide-arloetan banatuta. Leioako Ostalaritza Eskolan D graduak —lehengo oinarrizko, erdi-mailako eta goi-mailako zikloak—, C graduak —lehengo profesionaltasun-ziurtagirien parekoak— eta Profesionaltasun-ziurtagiriak eskaintzen ditugu.
Hemen agertzen den informazioa nahikoa ez bada, jar zaitez gurekin harremanetan edo, nahiago baduzu, etor zaitez bisitan; pozik erakutsiko dizugu zer eskaintzen dugun eta zer egiten dugun.
Hona hemen gure prestakuntza-eskaintza
D graduak (lehengo oinarrizko, erdi-mailako eta goi-mailako prestakuntza-zikloak)
Lanbide Heziketa lanbideekin eta lan-merkatuarekin lotura handiena duten ikasketen multzoa da. Gaur egun, pertsonaren lan-bizitza osoan zehar garatzen den prozesu gisa ulertzen da. Horrenbestez, Lanbide Heziketaren barruan sartzen dira bai eskola-adineko gazteei zuzendutako irakaskuntza arautua, bai lanean ari diren pertsonei zuzendutako enplegurako prestakuntza, bai lanbide-gaitasunaren aitorpena.
Lanbide Heziketak 170 titulazio inguru eskaintzen ditu oinarrizko, erdi-mailako eta goi-mailako hiru mailetan. Titulazio horien helburua pertsonek gaitasun profesionala eskuratzea eta lanpostu kualifikatuetara iristea da. Titulazioak lanbide-arloetan taldekatzen dira eta “modulu” izeneko ikasgaiez osatuta daude. Modulu horiek eduki teorikoak eta praktikoak dituzte, baita enpresetan egin beharreko praktikaldia ere.
Prestakuntza-zikloa lanbide-eremu jakin bati lotutako ezagutza teoriko eta praktikoz osatutako prestakuntza arautua da, eta eremu horretan behar diren gaitasun profesionalak garatzera bideratuta dago.
1. MAILA
2. MAILA
3. MAILA
Gehiago jakinC graduak (lehengo Profesionaltasun-ziurtagirien parekoak)
Profesionaltasun-ziurtagiriak lan-administrazioaren esparruan lanbide-kualifikazioak ofizialki egiaztatzeko tresna dira. Ziurtagiri horiek ofizialak dira eta Estatu osoan dute balioa; lan-jarduera bat egiteko gaitzen duten lanbide-gaitasunen multzoa egiaztatzen dute.
Prestakuntza-modulu izeneko bloketan antolatuta daude. Horri esker, kualifikazio-ibilbide pertsonalizatua ezar daiteke eta hezkuntza-administrazioak Lanbide Heziketako tituluekin bat datozen gaitasun-unitateak baliozkotu ditzake; horrela, LHko titulu arautu bat lortzea errazten da.
Profesionaltasun-ziurtagiri bat edukitzeak, zalantzarik gabe, curriculum profesionala hobetzen du. Prestakuntza ofiziala denez, baliagarria da bai Administrazio Publikoak deitutako hautaketa-prozesuetan, bai enpresa pribatuetan.
- • ED26010084 INA_C_002_4B - Gozogintza eta konfiteria
- • ED26010081 Taberna eta Kafetegi Zerbitzuak
- • ED26010080 HOT_C_004_4B - Jatetxe Zerbitzuak
- • ED26010079 HOT_C_001_4B - Sukaldaritza
- • SUMILLERIA MF0711_2 - Segurtasuna, higienea eta ingurumen-babesa ostalaritzan
- • SUKALDEKO ZUZENDARITZA ETA EKOIZPENA MF1058_3 - Sukaldaritzako lehengaien tratamendua
- • SUKALDEKO ZUZENDARITZA ETA EKOIZPENA MF1059_3 - Sukaldaritza-prestaketak
- • SUKALDEKO ZUZENDARITZA ETA EKOIZPENA MF1066_3 - Sukaldeko administrazioa
- • SUKALDEKO ZUZENDARITZA ETA EKOIZPENA MF0711_2 - Segurtasuna, higienea eta ingurumen-babesa ostalaritzan
Profesionaltasun-ziurtagiriak
Profesionaltasun-ziurtagiriak eskuratzea; enpresek lan egiteko ezinbesteko baldintza gisa eskatzen dituzte.
Zer abantaila dituzte?
- Akreditazio ofiziala da
- Lanbide-titulazioa
- Laneratzea errazten du
- Zure curriculuma hobetzen du
- Zure lan-merkatua zabaltzen du
- Titulu ofiziala
